الشروط والأحكام

آخر تحديث: 28 أكتوبر 2026

الشروط دي بتنظّم استخدامك لموجود. موجود منتج من أوريلو ستوديو (Aurello Studio LLC)، شركة ذات مسؤولية محدودة مسجلة في ولاية وايومنج بالولايات المتحدة ("أوريلو ستوديو" أو "إحنا"). لما تعمل حساب أو تستخدم موجود، إنت بتوافق على الشروط دي نيابةً عنك وعن النشاط اللي بتمثّله.

الخدمة

موجود بيخلّي النشاط يعمل موجودين (مساعدين بالذكاء الاصطناعي) بيردّوا على العملاء على واتساب وإنستجرام وماسنجر، وياخدوا الطلبات والحجوزات والعملاء المحتملين، ويبعتوا لينكات دفع، ويحوّلوا المحادثات لفريق النشاط. الخدمة بتتحسّن باستمرار، وممكن نغيّر أو نضيف أو نشيل خصائص.

الحساب والفريق

• لازم تكون عندك الصلاحية القانونية تلزم النشاط بالشروط دي، وتدّي بيانات صحيحة.
• صاحب الحساب مسؤول عن أعضاء فريقه وأدوارهم وعن كل اللي بيحصل من حساباتهم.
• حافظ على سرية كلمة السر، وبلّغنا فورًا لو شكّيت إن حد دخل حسابك.

مسؤوليات النشاط

• إنت مسؤول عن المعلومات والتعليمات اللي بتدّيها للموجود، وعن الأسعار والعروض والمنتجات والخدمات اللي بتقدّمها لعملائك.
• لازم تلتزم بسياسات Meta (سياسة واتساب للأعمال وسياسات التجارة والمنصة)، ومابتبعتش رسايل مزعجة أو من غير موافقة العميل.
• لازم يكون عندك أساس قانوني تتواصل بيه مع عملائك وتعالج بياناتهم، وتبلّغهم إن فيه مساعد بالذكاء الاصطناعي بيرد عليهم لو القانون طلب ده.
• مابتستخدمش موجود في أي نشاط غير قانوني أو مضلّل أو ضار، ولا تحاول تخترق الخدمة أو تعطّلها.

ردود الذكاء الاصطناعي

الموجود بيكتب ردوده بنماذج ذكاء اصطناعي، والردود ممكن تكون غلط أو ناقصة. الموجود مصمّم إنه مايألّفش ويحوّل للفريق لما مايعرفش، بس إنت مسؤول تراجع إعداداته ومعرفته والمحادثات. أوريلو ستوديو مش مسؤولة عن قرارات بتتاخد بناءً على رد غلط، في حدود ما يسمح بيه القانون.

الأسعار والدفع

• الاشتراك: شهري بالجنيه المصري، بيتخصم من الكارت المحفوظ عن طريق Paymob في بداية كل شهر. كل باقة فيها عدد كريدت كل شهر، وكريدت الشهر بينتهي مع آخر الشهر ومابيترحّلش.
• الكريدت: الردود الذكية على كل القنوات، ورسايل واتساب اللي Meta بتحاسب عليها (بعد الرسايل المجانية)، بتتخصم من الكريدت. الكريدت الزيادة بتشتريه مقدمًا في باقات، ولكل باقة مدة صلاحية. مفيش حساب زيادة آخر الشهر. لو Action رجّع قوايم طويلة ممكن تتخصم كريدت زيادة (عناصر قوائم الـ Actions).
• الشحن التلقائي: لو شغّلته، لما الكريدت يقرب يخلص بنشتري باقة على الكارت المحفوظ، في حدود المبلغ الشهري اللي حطيته، ولكل شحنة فاتورة لوحدها. تقدر تقفله في أي وقت.
• لما الكريدت يخلص: الموجودين بيوقفوا عن الرد والمحادثات الجديدة بتروح لفريقك لحد ما تشحن. رسايل فريقك على واتساب اللي محتاجة كريدت مابتتبعتش لحد ما تشحن، وإنستجرام وماسنجر بيكمّلوا عادي.
• التأخير في الدفع: لو الخصم فشل بنحاول تاني أكتر من مرة، وبعد آخر محاولة الموجودين بيوقفوا عن الرد لحد ما الفاتورة تتدفع.
• الأسعار ممكن تتغيّر، والمشتركين الحاليين بيتنقلوا للسعر الجديد من أول تجديد بعد تاريخ التغيير.
• الإلغاء والاسترداد: سياسة الإلغاء والاسترداد.
• الأسعار مش شاملة ضريبة القيمة المضافة. أوريلو ستوديو مش مسجلة في الضريبة دي لسه، ولما التسجيل يبقى مطلوب هنضيفها على الفواتير ونبلّغك قبلها.

عناصر قوائم الـ Actions

لما Action (طلب للـ API بتاع نشاطك) يرجّع قوايم، أول 40 عنصر في القوايم اللي بتوصل للموجود من كل طلب داخلين في كريدت الرسالة، وكل 40 عنصر زيادة (أو جزء منهم) بـ 1 كريدت زيادة. بنعدّ عناصر كل القوايم اللي بتوصل للموجود من الطلب ده، والقايمة اللي جوه عنصر بتتحسب جزء منه. الكريدت ده بيتخصم مع كل طلب لوحده، حتى لو الموجود ماردّش بعده (مثلًا لو المحادثة اتحوّلت لفريقك)، والمحادثات التجريبية مابتتحسبش.

الخدمات الخارجية

موجود بيعتمد على خدمات تانية زي Meta وPaymob وGoogle وShopify. استخدامك للخدمات دي بيخضع لشروطها، وأوريلو ستوديو مش مسؤولة عن توقّفها أو عن قرارات بتاخدها (زي رفض قالب أو تقييد رقم).

البيانات والخصوصية

بياناتك وبيانات عملائك ملكك. بنعالجها عشان نقدّم الخدمة، زي ما سياسة الخصوصية بتشرح. بالنسبة لبيانات عملائك، أوريلو ستوديو بتعالجها نيابةً عنك وبتعليماتك. [المحامي: اتفاقية معالجة البيانات.]

بنسجّل جلسات استخدام موجود (Microsoft Clarity) من غير ما نخبّي أي محتوى على الشاشة، ومن ضمنه محادثات عملائك، عشان الدعم وتصليح المشاكل وتحسين الخدمة، زي ما سياسة الخصوصية بتشرح. إنت بتوافق على ده وبتفوّضنا فيه بالنسبة لبيانات عملائك، وإنت مسؤول تبلّغ أعضاء فريقك وعملائك بيه في إشعارات الخصوصية بتاعتك لو القانون طلب ده.

الملكية الفكرية

موجود والبرمجيات والتصميم والعلامة التجارية ملك أوريلو ستوديو. إنت بتحتفظ بحقوقك في المحتوى اللي بترفعه، وبتدّينا ترخيص نستخدمه بيه عشان نشغّل الخدمة بس.

الإيقاف والإنهاء

• تقدر تقفل حسابك في أي وقت. ممكن تنزّل نسخة من بياناتك قبلها من الإعدادات ← البيانات والخصوصية.
• ممكن نوقف أو نقفل الحساب لو حصل مخالفة للشروط، أو عدم دفع، أو استخدام بيعرّض الخدمة أو غيرك للخطر، وهنبلّغك لما يكون ده ممكن.
• بعد الإنهاء بنمسح البيانات زي ما سياسة الخصوصية بتقول.

حدود المسؤولية

الخدمة مقدّمة "كما هي". في حدود ما يسمح بيه القانون، أوريلو ستوديو مش مسؤولة عن الأضرار غير المباشرة أو خسارة الأرباح أو البيانات، ومسؤوليتها الإجمالية مابتعدّيش المبلغ اللي دفعته لينا في آخر 6 شهور. [المحامي: الصياغة النهائية.]

القانون الواجب التطبيق

الشروط دي بتخضع لقوانين جمهورية مصر العربية، وأي نزاع بتختص بيه محاكم القاهرة. [المحامي: المستهلكين في المملكة المتحدة.]

التغييرات على الشروط

لو غيّرنا الشروط دي بشكل مهم هنبلّغ أصحاب الحسابات بالإيميل قبلها بوقت كافي. استمرارك في استخدام موجود بعد التغيير معناه موافقتك عليه.

تواصل معانا

أوريلو ستوديو، 1309 Coffeen Avenue STE 1200, Sheridan, Wyoming 82801, USA. الموقع: aurello.studio. الإيميل: [email protected].